東東錯別字詞典 (羅偉銓提供) (11/23/13)

自 從定居响呢個寫雞腸字嘅國家，真係好小接觸到中文，好彩今年幸好有吉如先至有機會寫吓野，練吓字，呢排唔知係唔係染咗老人癡呆症又或者有腦退化，寫字週時 唔記得啲字點寫，又成日寫錯字，用錯字眼，為咗解決呢個問題，我試上網揾幫手，哈哈俾我查到一個網頁，邊位有興趣寫中文，又好似我咁水皮怕用錯字就不妨上 呢個網址查吓，唔錯架，我講呢番說話，相信都只係我一個人有咁嘅需要，因為我係water skin ha ha ……………

點擊以下網址:

http://www.kwuntung.net/check/   

東東錯別字詞典 (Chinese Spelling Checker)

事實中文真係好難，相差一點一劃都完全唔同意思，好似早排就攪出笑話，嗚遠，鳴遠，幸好小鳴鳴一早發現，提醒大家，唔係我地呢班鳴遠學生全部轉晒校，唔知响一間乜水學校畢業，所以話今後打字都要金精火眼，尤其是依家人又老眼又朦，睇唔清，分分鐘上貼錯字，貼錯字都仲有藉口，話唔小心，但用錯字就好瘀，好似：不仿，不防，不妨，雖然，須然，用邊個先至啱，有時攪都我都分唔清，可能自已嘅中文通通還番俾老師，又或者當年上國文堂時瞓着覺，攪到依家我咁唔掂，相信各位都用唔着呢個網頁，但不妨留低，作參考，它日有不時之需。